مدينة الرياض
24 ℃
مدينة جدة
30 ℃
مدينة مكة
33 ℃
الخميس, 7 ربيع الأول 1440 هجريا, الموافق 15 نوفمبر 2018 ميلاديا

الشاعر فهد حمود العضياني يخص برق بجديده “العهد منا ولا خنا العهد”

الشاعر فهد حمود العضياني يخص برق بجديده “العهد منا ولا خنا العهد”
صحيفة برق
برق القوافي _ برق
في سما الابداع دِنِّي يارعود
من هجوس ٍ جالها برق ورعد
آرد الأفكار ميراد العدود
وانتقي من جزلها كلّ العدد
المثايل صرفها صرف النقود
من ضمير ٍ صادق ووافي بَعَد
الشرف ياسيّدي نسل الفهود
للمقام السامي آقف وأستعد
التحايا سيّدي عِزّ وصمود
يا أمير الأمن ياوجه السعد
سيّدي وأنته على الطاله تزود
للأمن ثابت على ساس وعَمَد
فالمهمّات الكبيره لك وجود
وفالمشاعر سيّدي فعلك شهد
كلّ ماشفناك قلنا الله يزود
قدرك وعمرك عسى عمرك مدد
ياعرين الأمن في فِعْلِك نشود
كلّنا ارجالك على ايِمينك سند
ياسميّ امعزي وطبّ الكبود
قاهر الارهاب بالعزم وجَلَد
آخذ ٍ من نايف الأمجاد(جود)
جدّك اللي نفتخربه خير جَدّ
جعله بجنّات ربّي والخلود
خالد ٍ فيها على طول الأمد
فالوطن بَدْع القصيد ابْلا حدود
ولأْجله آقف وآتمَثّل واجتهد
الوطن حنّا عن حدوده نذود
نارد الموت الحَمَر شِيب وولد
دونه الأعمار تنقص ماتزود
والشهاده غاية اللي قد ورد
من على عَهْد الركايب والجدود
مآقف الشعب السعودي للأبد
بأمر سلمان الملك آل السعود
نحمي البيتين وحدود البلد
المليك اللي على شعبه يجود
بالمكارم والعطايا والسعد
سيّدي بالفعل من مثله يسود
مايشابه سيّدي فالكون أَحد
كم دعآ للنصح والخارج يعود
وكم دعآ للخير واوفى بالوعد
عَهْده الميمون من خير العهود
والعَهَد منّا ولاخِنّآ العَهَد
والأمير اللي مشى نَهْجه سنود
هو وليّ العَهْد عِزّه والسند
محمّد اللي باذل ٍ كلّ الجهود
أسّس الرؤيه على فِكْر ومدد
النجاح ابعالمه ماله حدود
من تحلّى بالفِكِر مثله وجد
الاسد هو سيّدي كِبّ الاسود
في شموخه سيّدي هُوّْ الاسد
يوم جآء للحرب مصدار وّورود
أعلن الغاره ووقّف ماقعد
مابقى للحوثي الخاين وجود
أمطره باللي تسابق كالبرد
دكّت حصونه وداره والسدود
طايرات ٍ كنّها طيور الهدد
والمدافع فوقها غار الجنود
مومنين ٍ بالله الواحد أَحد
يشهد المآقف وخلق الله اشهود
ثابتين ٍ للوطن مثل الوتد
قلتها ياسيّدي نسل الفهود
الولاء من صغر سِنّي لَلَّحَد
مقسم ٍ بالله وحافظ للعهود
الولاء ياسيدي وأنا فهد
الولاء يجري مع الدمّ ويعود
وأَحْمِدِه سبحانه الفرد الصمد
 

التعليقات (٠) اضف تعليق

اضف تعليق

بريدك الالكترونى لن نقوم بأستخدامه. الحقول المطلوبه عليها علامة *

You may use these HTML tags and attributes:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*