مدينة الرياض
24 ℃
مدينة جدة
30 ℃
مدينة مكة
33 ℃
الخميس, 7 ربيع الأول 1440 هجريا, الموافق 15 نوفمبر 2018 ميلاديا

الشاعر علي بن لاحق الرفيدي بدّل القمرية بشيهانة

الشاعر علي بن لاحق الرفيدي بدّل القمرية بشيهانة
صحيفة برق
برق القوافي
اللي يِحَسْب ان الهوى لعب ومزوح
لا بُد له جرحٍ يدّك المحاني
واللي غدا من وقعة الحب مجروح
كنه يشوف بـ عينه الموت داني
الحب شي اكبر من الحكي والبوح
واعظم من طموح البشر والتماني
اوله ضحك وهمسه وعطرٍ يفوح
وآخره صبر وتضحيات وتفاني
لا صار كلٍ يعطي الثاني الروح
مظهره هوْ وداخله شخص ثاني
لجل الغلا ما به لـ واحدهم طموح
الا وصالٍ بينهم لو ثواني
كلٍ عطا روحه على شيك مفتوح
ولو فَنيْ حيٍ يصبح الحي فاني
وانا من اللي بانيٍ للغلا صروح
والعمر ضيعته لـ جاحد واناني
ومع كل ما سوابي اقول مسموح
انته بـ شانك عيش وانا بـ شاني
واعتضت عن قمريّةٍ دايم تنوح
بـ شيهانةٍ مـا نالها كـل قاني

التعليقات (٠) اضف تعليق

اضف تعليق

بريدك الالكترونى لن نقوم بأستخدامه. الحقول المطلوبه عليها علامة *

You may use these HTML tags and attributes:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*