مدينة الرياض
24 ℃
مدينة جدة
30 ℃
مدينة مكة
33 ℃
الجمعة, 14 شعبان 1440 هجريا, الموافق 19 أبريل 2019 ميلاديا

الشاعر عامر بن شنيف يخص ” برق ” بجديده ( يا علي ماعاد تفرق )

الشاعر عامر بن شنيف يخص ” برق ” بجديده ( يا علي ماعاد تفرق )
صحيفة برق
مكة المكرمة

ياعلي لا تحرق اعصابي فـ والله العظيم

اني بعمر الشباب وشاب راسي ،، ياعلي

ياعلي ماعاد تفرق ، هي تميل او تستقيم

والمـلامه : كـل ماعدّلتها ،، ترجع علي

نـيّـتي نيّـة صدوقٍ بين زمزم و الحطيم

رافع كْفوفه ودمعه مثل ميراد الدلي

يوم اصوّت قلت لدّو وجهة النهج السليم

غير ماحيّ التفت صوبي ولا احدٍ وبه لي

ألمح بعين النداوي وانطق بمنطق حكيم

والدليل اني شعبت عْن المشاريه اجملي

فالعزيز يعز نفسه ، عن مـلاحـات اللـئيم

لو غدت الانفس تفيض مْن الملام وتمتلي

ودّي ان طاح الحشيم يطيح في خصمٍ حشيم

ان هفى الاول بقى الثاني على العلم العلي

البلا من طيحة العقّال في خصمٍ غـشيم

طيحةٍ ترخص مقام العاقل القرم الشلي

والله انه ماينقّص هـيبـة الشهم الكريم

غير لا عادى ،، ضعيفٍ قيمته سبلة طلي

واحدٍ يتبع هروج اللاش وهروج الحريم

ما اتشرف به لو انه ياعلي بن عمّ لي

فـ طالبك خل الزمان يداوي اللي بالصميم

الزمان يجلّي ،، همومٍ تعايت تنجلي

داموا اخواني بخير ،وفي سلام ، وفي نعيم

فأصعبي ياظروف وقتي وان بغيتي فأسهلي

وانت لاميّل عليك الوقت وارْكى بالكظيم

جعل يفداك اول ايامي معا مستقبلي

ولاتأمّل فالعرب ما حن على العهد القديم

والصمايل فالزمن هذا ماهوب الاولي

صملةٍ مثل الغصون الخضر يثنيها النسيم

وصملةٍ كنها تقول لميلة الوقت اقبلي

فـ سوّد الله وجهي ان صديت لاصاح النديم

ساعةٍ فيها يا ربعي ، يا ذراي ، ويا هـلي

التعليقات (٠) اضف تعليق

التعليقات مغلقة